韓國Café 2019: 傳統咖啡店裡的浪漫 回應吧!Fritz Coffee Company

知唔知道上一個世紀當中,韓國嘅拍拖聖地係邊度呢?唔係今日嘅café,而係同樣香味四溢嘅面包店!

可愛海豹商標、由內到外統一嘅復古風、滿充藝術感兼有世界咖啡師大賽冠軍坐鎮嘅 Fritz Coffee Company 可以話係2019最新 韓國café之一。仿面包店嘅裝修,十足十以前爸爸媽媽嘅約會地點。

就等小編帶你一齊入去睇吓啦!

今次小編去咗Fritz Coffee Company 嘅江南分店,外型似足韓國舊式公寓住宅,唔知真係以為自己去錯咗呀!

由大門外觀到配件都透出傳統嘅味道。門前仲放咗寫住每日面包出爐時間嘅立牌,大家就可以就時間嚟買心水面包啦!

咖啡店利用磚樓、瓦頂、木門等韓式裝飾,配合傢具顏色同圖案,營造出70-80年代嘅韓國風情,令人聯想起傳統茶館,仲唔係到影返張靚相!

面包香氣揚溢整間店,熱辣辣嘅面包出爐啦,同另一半分享呢份又甜又溫暖嘅面包啦!

兩位創始人成日去唔同嘅咖啡豆產區,同農夫直接交易,製作嘅咖啡當然有保證啦!面包同咖啡香混合埋一齊,真係魅力沒法擋呀!

咖啡店內部十分大,總共有4層。除咗一樓係售賣啡咖同面包等等之外,其餘三層都係俾人坐底慢慢嘆咖啡。

二樓仲可以一邊睇住面包製作過程,一邊品嘗食物。呢間傳統風咖啡館,就好似可以將時間暫停,永遠停留喺同心愛嘅人品嘗咖啡嘅呢一刻。

除咗食物之外,仲有自家品牌出嘅文具、日常用品,甚至係咖啡豆都有得賣呀,唔夠喉嘅可以買埋返屋企慢慢沖慢慢歎。

< Fritz Company 商標 >

咖啡店入面周圍都可以見到一隻可愛嘅海豹,咁究竟海豹同咖啡有咩關係?

其實係無關係架!

用海豹作為咖啡店嘅吉祥物,係因為老闆覺得海豹好可愛,所以自己決定嘅。但係就係咁,偏偏成功引起大家嘅好奇心,仲成為話題添!

機構網頁

https://fritz.co.kr/

營業時間

星期日至星期五 8AM  – 10PM

星期六及日 10AM – 10PM

地點:

首爾瑞草區江南大路37路24-11

發佈留言

發佈留言必須填寫的電子郵件地址不會公開。 必填欄位標示為 *