萬聖節必備片單 – 3部驚悚指數爆表的韓國電影 韓國恐怖電影 BEST 3

韓國嘅驚悚恐怖片可以話係韓國代表性片種,其驚悚同恐怖程度講得上係世界級。等HKKK 介紹3部韓國最經典、最驚嚇嘅恐怖片俾大家,自問大膽嘅你,快啲一齊係黎近萬聖節測試下自己嘅膽量啦!

第三位 - 《哭聲》(2016)

#血肉橫飛 #《屍殺列車》齊名 #年度電影

Video by. 車庫娛樂

入圍康城影展、韓國入場人次突破680萬嘅《哭聲》,由近年被譽為「最出色嘅暗黑系韓國導演」羅泓軫執導。 故事講述一個來歷不明嘅日本人去谷城郡後引發起嘅一連串死亡事件開始。成套戲變態又血腥,加入宗教同鬼神元素,本身就已經夠吸引。劇情發展到最後,出現三大疑兇,但係邊個先係真兇?不妨睇完話我地知你點諗?

恐怖程度:5/10
劇情緊湊:8/10

 

第二位 -《鬼病院:靈異直播》(2018)

#全球七大禁地 #昆池巖 #恐怖直播

video by. 車庫娛樂

電影取材自喺京畿道廣州市一座廢棄精神病院 – 「昆池岩精神病院」,本身鬧鬼傳聞就特別多,仲早喺2012年畀CNN列入全球七大恐怖聖地之一!

故事講述一個以恐怖題材走紅嘅網絡節目招募一批「有志之士」一齊去病院探靈,仲要全程直播成個過程同 followers分享。途中參加者一個一個意外死亡,但係主辦方為左衝擊觀看人數堅持繼續直播,結果最後…

電影以尋獲佚失影片手法拍攝(即重新發現丟失影片),營造一種「呢段影片係唯一幸存嘅紀錄,參加者如今已經失踪或死亡」,真係令人有種不寒而慄嘅感覺…

恐怖程度:8/10
劇情緊湊:6/10

第一位 -《女高怪談》系列 (1998 - 2012)

#女子高中 #怪談 #校園恐怖片

video by. ShengchiMediacomtw

韓國最經典恐怖片系列—《女高怪談》。就算你唔係韓迷,應該都有聽過呢套電影。系列一共有5部,以女子高中為背景,用恐怖手法探討女高中生之間嘅關係、考試競爭、壓力等等嘅問題。

《女高怪談》面世時顛覆一貫嘅拍攝手法,仲開創咗校園恐怖片呢個新類型,為韓國影壇帶嚟不可以忽視嘅影響力。呢個系列嘅成功原因,除咗係帶嚟題材上嘅新鮮感之外,仲同韓國社會有密切嘅關係。

眾所皆知,韓國學生讀書壓力十分大,每2.74日就有一名學生自殺,一直係韓國社會議題。《女高怪談》以恐怖角度,誇張手法帶出學生在求學期間嘅壓力,韓國觀眾有共嗚當然受落。

恐怖程度:9/10
劇情緊湊:9/10

好多人都認為睇恐怖片可以舒壓,仲要越恐怖越爽快,希望今日推介都可以幫到你減壓啦!萬聖節快樂 !

 

發佈留言

發佈留言必須填寫的電子郵件地址不會公開。 必填欄位標示為 *