韓國人好運秘訣: 新年必備福袋

韓國人好運秘訣: 新年必備福袋

大家知唔知韓國人嘅福袋有咩用途呢 ? 我地將介紹韓國福袋嘅由來同象徵意思, 等大家可以袋好2019年的福氣!

香港嘅小朋友一到咗新年就會好興奮, 因為有得逗利是 !

唔知韓國嘅新年又係點呢? 會唔會有逗利是呢個習俗 ?

 

喺韓國, 一到新年呢個大時大節, 喺街都會見到啲小朋友著住韓服, 掛住個福袋去拜年。

但韓國人係幾時開始用福袋 ? 同埋有咩象徵意思呢 ?

等我逐一話你知啦 !

Image by.행복이 가득한집

福袋起源

福袋係韓國人用嚟裝錢嘅袋仔, 寓意會帶嚟好運。
一般用絲綢製成, 而顏色就會係韓國 五方色 (即係中國嘅 五行 色) : 紅、藍、 黃、 白、 黑。

咁點解福袋會被廣泛使用呢 ?

原因係韓國傳統嘅 韓服 係無衣袋㗎! 大家想搵袋放下嘢都無, 所以就整咗福袋, 掛係腰側。一直沿用到依家, 小朋友會係新年用福袋裝利是。

 

Image by. 국립고궁박물관

福袋之寓意

福袋主人可以將漢字수(壽)·복(福)·부(富)·귀(貴)或者代表吉祥嘅動物, 繡上五顏六色嘅福袋上面, 代表可以將幸運同吉祥帶到呢個福袋。

而且, 仲會按照福袋主人嘅性別, 繡上唔同圖案, 例如花係代表女性, 蝴蝶代表男性。

所以韓國人憑住福袋上嘅圖案, 都猜測到福袋主人嘅身份㗎。

Image by. 국립고궁박물관 

韓國新年禮節

韓國每家每戶喺新年時都會進行 歲拜 (세배)呢個儀式。歲拜係家中小朋友給成人行大禮, 並祝福佢地新年快樂, 萬壽無彊  ; 接受大禮嘅成人們, 就會回祝福說話俾小朋友, 當然唔少得仲會派利是俾佢地啦 !

Image by. 국립민속 박물관


韓國派利是嘅習俗係受古代中國影響, 一開始, 大家送年糕或者水果互相祝福, 而唔係錢, 到咗1900年開始, 韓國人民開始富有, 就漸漸將錢放入福袋, 象徵將福氣袋入袋嘅意思。

講咗咁多, 相信大家對福袋都多咗認識啦~

祝大家過個肥年 !

發佈留言

發佈留言必須填寫的電子郵件地址不會公開。 必填欄位標示為 *