首遊誌 EP.1 – 當櫻花遇上韓國零食

首遊誌 EP.1 – 當櫻花遇上韓國零食

大編趁櫻花季節去潮遊首爾, 帶咗好多韓國零食返嚟做手信, 等我地遂一試食, 為大家推薦2019年最新韓國零食!

步入四月, 韓國等地嘅櫻花慢慢開始現身。一大班朋友喺櫻花樹下把酒談歡又點少得 2019 韓國零食呀 ! 近年, 韓國零食一直都係一眾韓迷嘅焦點, 唔止款式多, 仲有好多季節限定版推出, 口味層出不窮, 多到試極都試唔晒呀 !

所以大編趁櫻花季節去潮遊首爾, 帶咗幾款韓國零食返嚟做手信,睇我地遂一試食, 為大家推薦2019年最新韓國零食!

2019韓國零食試食大會, 去片!

2019韓國零食推薦 (1) Orion甜辣炸雞味薯條

korean food

韓國零食價錢

約3000韓圜 (約港幣$21)

試食分數

★★☆☆☆

食後分享

薯條中間係空心, 食落好有空氣感, 無咩甜辣炸雞醬嘅感覺。薯條表面嘅甜辣炸雞粉,有別於平時去韓式炸雞店食嘅甜辣炸雞嘅味道。食過甜辣炸雞嘅朋友都知道, 整隻炸雞浸入甜辣醬先係食甜辣炸雞嘅精髓。缺少咗甜辣醬滿佈口中嘅感覺, 就同食普通薯條無分別。

所以小編覺得呢款薯條可以同洋蔥酸瓜田園沙律果款一樣, 以沾醬形式食用, 咁就可以保留甜辣醬口感嘅滋味啦!

2019韓國零食推薦(2)農心雞髀餅

korean food

韓國零食價錢

1600韓圜(約港幣$11)

試食分數

★☆☆☆☆    

食後分享

經過小經一番研究之後, 發現原來呢款雞髀餅係韓國嘅國民零食! 大家都知韓國炸雞好出名, 所以呢款炸雞亦係按住雞髀外型製成。口感好脆, 但由於入面係空心嘅關係,好似無咩味,就好似將一舊無味而脆嘅雞皮擺入口。

 

2019韓國零食推薦(3)農心蜜糖蘋果味薯片

korean food

韓國零食價錢

1,120韓圜 (約港幣$8)

試食分數

★★★★☆ 

食後分享

包裝雖然唔算吸引, 但係就帶到驚喜俾大家。薯條嘅賣點係有蜜糖味之餘, 又有蘋果味。一食入口, 嘗到一大陣蜜糖味同蘋果味融合一齊, 兩者甜味分明, 有蜜糖嘅重甜味亦有蘋果清新嘅甜味, 味道似爆谷, 甜味適中。口感好實在, 小編熱烈推薦呢款韓國零食。

 

2019韓國零食推薦(4) Calbee櫻花限定版蜜糖牛油味薯片

korean food

韓國零食價錢

2,100韓圜 (約港幣$15)

試食分數

★★★★★

食後分享

味道同其他同系列蜜糖牛油味差唔多, 但加咗櫻花味落去, 感覺好有春天嘅氣息。而佢嘅櫻花味並唔係融入蜜糖牛油味入面, 而係當你差唔多食完成塊薯片, 就會食到少少櫻花嘅淡花味。食極都唔會厭, 因為每一塊都可以食到驚喜嘅櫻花味。

呢款薯片絕對係今個櫻花季節係首選2019韓國零食推薦!千其唔好錯過呀!

 

發佈留言

發佈留言必須填寫的電子郵件地址不會公開。 必填欄位標示為 *