HKKK K-pop 韓國偶像綜藝特輯EP3 : 韓式綜藝遊戲派對

HKKK K-pop 韓國偶像綜藝特輯EP3 : 韓式綜藝遊戲派對

HKKK 邀請到香港K-pop舞團 SNDHK同埋韓國 K-pop舞團Flamingo各3位成員一齊跳舞估歌!

踏入9月,秋高氣爽,除左係開學嘅日子,亦係各種 re-u 嘅好日子。除左食飯之外唔知做咩好?咁不如好似韓國綜藝節目咁一大班同學或者朋友一齊開個韓式綜藝遊戲派對啦 !

今次HKKK 邀請到香港K-pop舞團 SNDHK嘅成員BEBE、Mavis、Hazel同埋韓國 K-pop舞團Flamingo Junhee、Ahwon、Kyeongeun一齊大玩韓國偶像大熱嘅估歌遊戲。
佢哋除咗要估中歌手同歌名之外,仲要成功跳到首歌嘅Chorus部分先算得分 !

鬥反應又鬥舞技嘅遊戲,究竟會係香港代表會贏定韓國代表贏呢?快啲click入嚟睇啦 !

睇到兩隊玩得咁開心,係咪好想同佢哋玩埋一份呢 ?
同朋友玩之前,不如睇埋我哋精選嘅韓國綜藝節目片段,向偶像們取下經先啦!!

1. 歌曲辨析專家 –金希澈

Image by tistory

講到1秒前奏估歌遊戲, 相信大家第一個聯想到嘅就係金希澈。 佢曾經上過眾多個韓國綜藝節目,打敗無數對手。無論係舊至90年代歌曲定係近年新歌;舞曲定抒情歌,佢聽一秒前奏就可以估到。估中之餘,仲可以講得出歌曲年份同跳埋相應嘅舞步,可以話係神級玩家!

Video by. 아는 형님 

2. 人間音樂盒 – 李秀根

Image by naver blog

睇開《新西遊記》嘅觀眾都會知道,佢地間唔中都會玩前奏估歌遊戲。節目組準備嘅歌入面,大部份都係集中係比較舊嘅歌曲,完全食中李秀根個範!每次佢都可以快而準地答中,一齊睇吓遊戲片段啦!

Video by. 신서유기 

3. 抒情王專家 – K.will

抒情歌歌手K.will曾經上過節目同金希澈挑機估抒情歌。原因係佢見到希澈喺節目上都係估舞曲比較多,以為抒情會係希澈嘅弱項。一輪大戰之後, K.will竟然同希澈打成平手!可見佢嘅實力亦都唔可以睇小呀!

video by. 아는형님 

睇左三位韓國明星嘅遊戲片段,有冇偷到師呢?仲唔快啲約朋友一決高下,睇下嘅實力去到邊?唔講咁多,都係聽多幾首K-pop,增值吓自己啦 !

< Stunning Dance HK 簡介 >

Stunning Dance HK,又名SNDHK 是香港Kpop Cover Dance Team。自2014成立以來,一直努力製作Kpop Cover Dance 影片作品,透過YouTube分享對Kpop Dance的喜愛及熱誠。SNDHK 已經在YouTube 上有超過150條cover dance影片,並累積超過650萬點擊率。

< Flamingo 簡介 >

Flamingo 是一隊由韓國女生組成的K-pop舞團。成員全部來自香港理工大學。自2016年起成軍三年間,以K-pop cover影片傳遞對韓流的熱愛。主要活動包括在官方Facebook專頁上傳K-pop cover 影片,參與校內外各種舞蹈演出,例如由韓國學生會在港舉辦的VI5E 演唱會等。

發佈留言

發佈留言必須填寫的電子郵件地址不會公開。 必填欄位標示為 *