HKKK 韓語教室: No答 (노답) 教你最新韓國潮語
大家好! 呢到係HKKK 韓語教室嘅第三集!
學好一種語言, 除咗正式用語之外, 學識地道嘅韓國潮語都好重要。
今次要介紹嘅韓國潮語, 係年青人經常掛喺嘴邊, 用嚟 表示無奈、無藥可救等意思嘅詞語 — “노답 ”
想知點樣運用呢個韓國潮語, 去片啦!
部份影片來源: Kakao Friends
正如片入面咁講,
「 노」= 英文嘅 「NO」
「답」= 「回答」
字面上睇就係無回答, 實際就係無解、無話可說或者無救嘅意思。
Image by KBS, 太陽的後裔
例子(1) “왜 남자친구랑 헤어졌어?”
當有人問你點解同男朋友分手嘅時候, 你就可以答…
완전“ 노답 ”이어서!
意思: 無得解, 唔想再提起呢件事。
Image by Cobak
語氣加強升級版
如果想強調果件事嘅嚴重性嘅話, 就可以加 핵
喺呢個韓國潮語前面。
「핵 」= 核
意思指極級、極度
所以, 핵+ 노답 = 超級無語、更加超級可說、超級無救
點解「核」呢個字會用作極級程度呢?
呢個字源於核武器嘅核, 俾人一個威力好強大嘅感覺。
呢個講法亦都係韓國年青人嘅常用韓國潮語嚟㗎!
不如一齊練習吓, 等大家可以用呢個常用嘅韓國潮語同當地人傾計 !
Image by Twitter
情景 (1)
當你去完旅行返嚟…
A : 呢次旅行好唔好玩呀 ? (이번에 여행 갔다 온거 어땠어?)
B : 真係好無奈… 成程都落雨, 邊到都無去到。
(정말 노답이었어… 하루종일 비만 오고 갈 곳도 없었어. )
Image by Hyundai
情景 (2)
當你嘅朋友沈迷喺打機世界嘅時候…
A : 我已經通宵打機打咗5日啦…
(나 5일 동안 밤새우면서 게임만 했어…)
B : 你真係 超級無藥可救 ! (너 진짜 핵노답이다 !)
今集講咗用嚟表示無奈、無藥可救等意思嘅韓國潮語 —“노답 ”, 俾大家認識, 快啲活用喺日常生活裡面, 更加地道咁同當地人傾計啦 !
想知更多韓文潮語, 就千其唔好錯過我哋 HKKK 韓語教室啦 ! 下集見 !
