HKKK 韓語教室: 手指公主 (핑거 프린세스)

korean buzzword

HKKK 韓語教室: 手指公主 (핑거 프린세스)

有一種人明明可以自己搵答案, 但偏偏就要問, 真係好討厭呀! 睇吓韓國年青人點樣用“手指公主 ”呢個韓國潮語嚟形容呢種人啦!

大家好! 歡迎嚟到HKKK 韓語教室。

到咗韓語教室嘅第4集, 相信大家都知道, 所謂韓國潮語, 其實係由日常生活慢慢演變出嚟, 十分生活化嘅語言。

korean buzzword

今集要介紹嘅韓國潮語“手指公主 ”, 就咁字面上睇究竟係正面定負面? 而韓國青年人又會點用呢?

想知點樣運用呢個韓文潮語, 去片啦!

正如片入面咁講,
“手指公主 ”即係講一啲明明可以自己搵答案, 但就連郁一隻手指上網搵資料都懶, 偏偏就要問人嘅人。用“手指公主 ” 嚟形容呢種人真係十分貼切, 所以呢個韓文潮語好受歡迎。

“手指公主 ” (핑거 프린세스): 形容女仔
“手指王子 ” (핑거 프린스) : 形容男仔
 幾個手指公主或者王子眾埋一齊: “手指族群 ”(핑프족)

例子 (1) 手指公主

korean buzzword

情景 :當同朋友行街…

A : 不如去百貨公司買上次一齊見到果隻C牌子化妝品 ?
(우리 저번에 백화점에서 같이 봤던 C 브랜드 화장품 쇼핑 갈까 ?)

B : 百貨公司唔會好貴咩 ? 我無錢呀。
(백화점은 너무 비싸지 않아 ? 나 돈 없어.)

A : 咁不如買D牌子果隻化妝品 ? 同C牌子差唔多。
(아 그럼 C브랜드랑 비슷한 D로드샵 화장품은 어때 ?)

B : 如果用D牌子化妝品, 我會皮膚敏感㗎。
(D 로드샵 제품은 피부 예민해지는데…)

(A拎出電話搵資料)
(A가 핸드폰을 꺼낸다)

A : 我搵吓C牌子嘅用後感, 你搵D牌子啦 。
(내가 C브랜드 찾아볼테니까, 니가 D브랜드 정보좀 찾아볼래?)

B : 唔洗咁麻煩啦…
(번거롭게 뭘 그렇게까지…)

A : 算啦“手指公主 ”! 我自己去買。
(이 “핑거 프린세스” 야! 그냥 나 혼자 사러 다녀올게.)

 意思 : 手指+公主
懶到唔肯上網搵資料嘅女人

例子(2) 手指王子

korean buzzword

情景 : 當你被上司責備…

A : 我喺今朝個會到俾上司鬧得好慘呀。
(선배 저 오늘 회의에서 팀장님한테 엄청 혼났지 뭐에요.)

B : 點解呀 ? 係咪你無自己搵答案就問佢 ?佢最憎啲“手指王子 ”!
(왜 그랬어. 질문하기 전에 검색 좀 하고 여쭤보지. 또 그냥 물어봤지 ? 팀장님께서 “핑거 프린스” 짓을 얼마나 싫어하시는데 !)

A : 對唔住 。 下次我會搵好資料先開會。
(네 죄송해요. 다음부터는 꼼꼼하게 알아보고 회의에 참석해야겠어요.)

 意思 : 手指+王子
懶到唔肯上網搵資料嘅男人

例子(3) 手指族群

korean buzzword

情景 : 當一班朋友計劃旅行行程…

A : 呢個夏天不如一齊去韓國玩 ?
(얘들아 ! 이번 여름에 다 같이 한국 여행 어때 ?)

B : 幾好喎 ! 我哋幾時去好 ?
(좋아 ! 우리 이번엔 어디 가는게 좋을까 ?)

C : 我唔清楚喎…不如上網睇睇 ! A可以搵吓去邊到玩, B就可以搵住宿, 我就負責呢個旅行嘅預算啦 !
(음… 잘 모르겠는데… 한번 인터넷에 검색해서 찾아보자 ! 여행 장소는 A가, 숙박은 B가 맡아줘 ! 내가 예산을 짤게 !)

A : 好呀 ! 可以喺邊到搵資料?
(좋아. 인터넷 어디에 검색하면 되는데 ?)

B : 係囉, 可以喺邊到搵資料 ?
(맞아, 어디에 검색해 ?)

C : 喺Google 同Naver 搵, 就會有好多推薦文章。
(△글이나 네2버에 검색하면 추천이 많을거야 !)

A : 咁我應該去Google 定 Naver搵 ?
(△글, 네2버 둘 중 어디에 검색하면 나오는데 ?)

B : 推薦文章可以喺邊到搵 ?
(추천은 어디에 있어 ?)

C : 你哋去咗果啲網址之後, 試吓搵一搵先, 唔識先再問我啦 !
(일단 직접 사이트에 들어가보고 검색 해 보고 물어봐.)

A, B : 我哋應該打啲咩去搵 ?
(뭐라고 검색하면 되는데 ?)

C : 你哋真係“手指族群 ”!
(이 “핑프족”들아!)

korean buzzword

意思 : 手指+族群
一群唔肯上網搵資料嘅人

今日講咗用嚟形容一啲非常懶, 懶到連手指都唔願郁嘅人嘅韓國潮語 —“手指公主 ”俾大家認識。

想知更多韓文潮語, 就千其唔好錯過我哋 HKKK 韓語教室啦 ! 下集見 !

發佈留言

發佈留言必須填寫的電子郵件地址不會公開。 必填欄位標示為 *