HKKK 每月韓國cafe推介:不一樣的特色改建Cafe

HKKK 每月韓國cafe推介:不一樣的特色改建Cafe

精選推介三間神筆改建,只此一間嘅特色cafe

HKKK每月都為大家帶嚟各種主題嘅cafe 介紹4月亦絕不例外,今期將會走訪首爾外嘅其他市,推介更多特別嘅韓國cafe   

每間cafe都會有佢地建立嘅原因,韓國近期就出現咗好多改建爆紅嘅cafe,甚至有啲嘅原址喺充滿歷史嘅建築想知邊間就繼續睇落去啦! 

1. 朝陽紡織 (조양방직)

廢棄工廠搖身變成網紅美術館café 

位於仁川江華島佔地2,000坪嘅「朝陽紡織」,可以話喺近期韓國必去網紅café之一。「朝陽紡織」前身係一間建於1933年嘅紡織廠,但後來被廢棄多年,直至2018年,老闆沿用「朝陽紡織」個名,精心改裝成cafe,搖身變成打卡熱點嘅仁川咖啡店。 

Cafe 保留咗紡織廠嘅原汁原味,工業風嘅主館入面充斥住歷史痕跡,而每一個獨立空間都擺放咗各種藝術品同收藏品,就連廣場周圍都有唔少舊式木馬同英倫風電話亭,唔講以為入咗間懷舊美術館一樣。 

當中有幾個非影不可嘅SNS最紅嘅打卡位,首當其衝一定係原風味木制屋頂配上長走廊,有氣派得嚟不失文青感;另一個係放滿咗懷舊玩意嘅空間,一踏入去感覺好似去咗奇幻樂園咁,部份木馬同遊戲機仲玩得添㗎! 

至於cafe飲品選擇種類較多,蛋糕款式反而有限,不過都係新鮮整嘅,好似Tiramisu、士多啤梨蛋糕、Cheese cake 等。Menu有英文版本提供,咁就唔怕難order啦! 

朝陽紡織」最近更變身拍攝場地,電影《釜山行》的續集《半島》就有喺呢度取景!Twice錄綜藝嘅時候更加入過去添!歷史感,網紅感,綜藝感都齊,你點可以唔去呀? 

Instagram  

joyang_bangjik 

時間: 

平日1100AM 800PM 

週末:1100AM  10:00 PM 

地址 

589-23 Sinmun-ri, Ganghwa-eup, Ganghwa-gun, Incheon 

2. Café Mokgan (카페목간)

韓國傳統汗蒸幕變成café會係點? 

喺清洲市嘅Cafe Mokgan (카페목간由一間擁有三十年歴史嘅汗蒸幕「학천탕改建而成,老闆將一二樓改造成咖啡廳嘅同時,為咗保存父母嘅心血同建築嘅完整性,保留咗室內澡堂大部分原有嘅設計。  

一樓主要係由更衣室改裝成嘅點餐區,復古嘅風格仲用上咗同年代嘅票券同號碼牌做擺設。沿住階梯一踏入二樓,就會發現成個澡堂,無論係淋浴位、浴池,甚至桑拿房都原封不動咁展現咗係你眼前,唔少人見到都會「哇〜」一聲! 

至於餐點方面,款式同其他café大同小異,不過只要落單,店員都會用小木桶做飲料托盤兼附上一隻雞蛋配埋個澡堂背景,唔講真係以為去咗汗蒸幕呀! 

Instagram 

kapemoggan 

時間: 

每日1100 AM  1100AM 

 

地址: 

Chungcheongbuk-do, Cheongju-si, Sangdang-guBungmunno 2(i)-ga, 81-2번지 

3. Café Friends(커피프렌즈)

韓綜《Coffee Friends》變成真正嘅咖啡之友啦! 

2019年,演員柳演錫同孫浩俊出演嘅韓綜《Coffee Friends》喺濟洲島將一個柑橘園倉庫改建成濟洲咖啡店 邀請咗崔智友同梁世宗幫手,每集仲有重量級part-time職員,當中包括EXO 世勳、南柱赫、姜丹尼爾、白鍾元等等! 

雖然節目結束咗,但係接手嘅cafe 老闆就直接以「Cafe Friends」命名繼續經營。當你行入去,牆身貼住元老員工嘅相,加上老闆保留原有簡單清爽嘅裝修風格甚至菜單,真係好似置身綜藝嘅錄製場境咁!而大片嘅落地窗,為cafe 帶嚟充足嘅光線,可以邊嘆咖啡,邊享受柑橘綠野嘅氣氛。 

食物方面,老闆努力還原節目入面出現過嘅人氣菜式,包括柑橘咖椰醬法式吐司 “濟州黑毛豬番茄燉菜掉入牛奶裡的橘子掉入牛奶裡的橘子更係招牌飲品,做法係將橘子酿制成嘅果汁加入泡沫牛奶入面,口感新鮮。另外,佢亦用咗多款濟洲食材製作出唔少新嘅特色料理同飲品,絕對係睇得又食得。 

時間: 

930 AM  0900 PM 

地址: 

1791, Seogwang-ri, Seogwipo-si, Jeju-do 

唔知今期嘅韓國cafe推介有冇吸引到你呢?下次去韓國,都可以考慮去下其他地方嘅cafe啦!想知仲有咩韓國咖啡店推介,就記住留意住我地每月一期嘅韓國cafe推介! 

發佈留言

發佈留言必須填寫的電子郵件地址不會公開。 必填欄位標示為 *