HKKK韓國潮語教室： 띵곡 (名曲)
大家好！歡迎嚟到 HKKK 韓語教室第 11 集！
最近喺韓國唔同嘅音樂排行榜入面，總會發現大家成日用「띵곡이다！」呢個韓國潮語嚟形容人氣歌曲，咁到底「띵곡」呢個潮語點解？平時又應該係咩情況下用呢？今集 HKKK韓語教室即刻為你解答！
首先由「띵」開始解釋！
本身正字應該係「명」，出自漢字「名」意指「優秀、出眾」。但係由於「띵」 同「명」嘅寫法類似，加上韓國年輕人都覺得「띵」（dding）嘅發音令詞語讀起上嚟更有趣，所以使用就變得更為廣泛！
除咗「띵곡」（名曲）呢個組詞之外，「띵」可以取代「명」配合其他字組成詞語，例如：
「명작」 ＝ 「띵작」 ＝ 名作
「명언」 ＝ 「띵언」 ＝ 名言
至於日常點樣靈活運用「띵곡」呢個潮語？一齊去片睇睇啦！
跟住我哋就舉多幾個例子啦！
情景（1）：睇完 BTS 新歌《On》係 《Jimmy Fallon Show》嘅演出
A: 睇咗未呀？BTS 今次喺紐約中央車站表演咗新歌《On》，好犀利呀！
그거 봤어? 이번 방탄소년단 신곡 “ON”의 첫 컴백 무대를 뉴욕 그랜드 센트럴 터미널에서 했데!!
B: 有睇呀！今次新歌真係好正，完全係“名曲” !
봤어! 이번 신곡 너무 좋더라! 완전 <띵곡> 이야!
A：絕對係“名曲”啦！除咗歌好聽連 performance 都無得彈呀！
그치 진짜 <띵곡> 이지! 노래 뿐만이아니라 퍼포먼스도 정말 짱이더라!
情景（2）：第 92 屆奧斯卡頒獎禮後
A：你唔知唔奉俊昊導演嘅《上流寄生蟲》攞咗韓國史上第一個奧斯卡最佳電影獎項呀？！
대박!! 그거 알아? 봉준호 감독의 ‘기생충’이 한국 영화 사상 최초로 황금 종려상을 수상했데!!
B：我知呀，真係好勁！第一次睇嘅時候就已經覺得《上流寄生蟲》係韓國電影史上嘅一齣“名作”嚟！
나도 영상으로 봤어!! 정말 대단하다, 난 아직도 영화 <기생충>이 내 인생의 최고의 <띵작> 이야.
A：無錯，完全係“名作”！我今日仲訂咗呢套戲嘅 DVD 添呀！
맞아 완전 <띵작> !! 난 오늘 DVD도 주문했어!
情景（3）：睇完笑星 UV 同 JYP 合作嘅歌曲
A：有冇聽過《Itaewon Freedom》呢首歌呀？
“이태원 프리덤”이라는 한국 노래 알아?
B：有呀！好似係笑星 UV 創作架嘛！JYP 都有份參與演出，近期係韓國好紅架！
들어본적 있어! 개그맨 UV가 작곡한 노래 아니야? JYP가 콜라보로 참여해서 한국 사람들 사이에서 한창 인기였다고 들었어 !!
A：嗯，UV 嘅懷舊感同諗法都好好，首歌入面好多歌詞單獨列出嚟都可以當做“名言”添！聽完都好想去梨泰院玩返轉呀！
이 노래 가사들이 완전 <띵언>이야. UV 특유의 레트로 감성의 컨셉도 좋고, 심지어 노래도 좋아 ! 당장 이태원으로 놀러가고 싶게 만든다니까~!
B：歌詞可以做“名言”？ 咁真係要再聽真啲先啦！
가사가 <띵언>이라고? 한번 들어봐야겠다 ! ㅋㅋㅋ
今日有關「띵곡」呢個潮語就教到呢度，相信你都已經學識點用啦！
想學多啲地道韓國潮語，記住唔好錯過我哋每個月一集嘅 HKKK Korean Buzzword啦！下次見！
