HKKK私心分享：媲美「趙以瑞」嘅SNS網絡紅人

介紹3位喺港韓嘅大熱KOL

近年，社交媒體大行其道。而越嚟越多人鍾意係唔同嘅平台，包括 IG、Twitter、YouTube等等平台分享自己嘅生活甚至專業智識，從而成為網絡紅人。韓國就對呢啲平台統一稱為 SNS（ Social Network Site），較早前分享嘅《梨泰院Class》入面，女主角趙以瑞嘅設定就係坐擁超過 70 萬粉絲嘅網絡紅人，可見佢哋影響力之大。今日HKKK就同大家分享三位同韓國文化潮流密不可分嘅 SNS 紅人認識啦！

1. RISABAE 이사배（IG: risabae_art）

RISABAE 係韓國大熱嘅美妝 YouTuber，channel 坐擁超過 220 萬訂閱，IG都有超過 100萬 followers。由於本身就係一位特殊化妝師，所以普通妝容一啲都難佢唔到，所以佢嘅 channel 除咗主打教粉絲日常實用妝容同埋髮型造型之外，仲會教藝術妝同埋拆解明星妝容技巧，曾經就教過宣美、華莎、請夏等等嘅妝容啦！

之前佢仲成為首位穫邀出演韓國綜藝《Radia Star》嘅首位韓國美妝 blogger 添！除咗超強綜藝感之外，網友們更意外發現佢同宣美相似度甚高而廣受關注，一齊嚟睇睇佢嘅超強實力啦！

2. Dave (IG: daebbuing)

旅居韓國多年嘅 Dave，YouTube Channel 有超過 190 萬訂閱。以美國人身份講得一口流利韓語，作為 YouTuber，多數以分享各國文化為主要內容，不時仲會請嚟唔同國家嘅朋友一齊拍攝，就一個主題分析各國喺讀音同對韓國文化了解嘅差異等等。日常單詞發音，外國人教韓文，藝人訪問等等都係佢常做嘅內容！