HKKK熱推韓劇.梨泰院Class:超人氣漫畫神還原!

HKKK熱推韓劇.梨泰院Class:超人氣漫畫神還原!

《梨泰院Class》

改編自超人氣漫畫,收視率越播越勇、直線上升既嘅最新韓劇 – 梨泰院Class,其實講啲咩?

最近好睇嘅韓劇可以話一浪接一浪,相信唔少人啱啱追完《愛的迫降》,睇住呢段禁忌之戀最終修成正果,但係新一浪嘅話題之作就肯定要數由超人氣漫畫改編嘅《梨泰院Class》啦。究竟係乜嘢咁快就可以令廣大韓劇迷跳出男女主角嘅愛情?

(※ 微量劇透出沒,請注意!)

人生在世要堅持信念。

《梨泰院Class》原著漫畫因為貼近現實生活嘅節奏,加上順應時代嘅處世之道,令唔少讀者產生共鳴,繼而大紅。其中高冷並有反社會人格標籤嘅女高中生主角光環更係成為城中熱話,更令梨泰院翻紅成為最新蒲點。如果你未開始開始追劇嘅,不如睇咗預告先啦!

故事講述朴世路(朴敘俊 飾)嘅父親喺一場車禍中過身,從不輕易妥協嘅佢,決心喺首爾最貴同時最有異國風情嘅梨泰院開設餐館,繼而開展對害死佢父親仇人嘅復仇計劃。

因為世路覺得「我的人生有點苦澀,希望苦澀的人夜晚和人生,能夠再甜一些。」,配合韓國時下好多後生仔鍾意係飯後小酌一杯嘅習慣,所以開咗一間名為「甜夜」(DanBam)嘅小酒館。佢哋五位戰友並肩作戰,不畏權富嘅精神,超級熱血!

為咗配合劇集宣傳,劇組更專登為「甜夜」(DanBam)開通咗 Instagram 分享美食同劇中成員嘅日常,當中更有分享如主打 Menu 中嘅 “辣嫩豆腐湯” ,配上燒酒可以話係經典中嘅經典,更似乎取締咗炸雞配啤酒嘅地位。

除咗貼地之外,主角團嘅破格設定更係引發話題同受歡迎嘅主因,例如女主角趙伊瑞(金多美 飾)自帶「反社會人格」標籤,一頭短髮同 “Girlrush” 造型就已經夠吸睛,另外朴世路帶出嘅更生人前途,「廚房長」馬賢伊(李英珠 飾)嘅變性人議題等等都引起大家嘅聚焦

選角方面,就連廣大漫畫迷都話各個角色好似就係漫畫行出黎咁,絕對係神還原,下面就為大家簡介一下幾位主角啦!

一個不輕易妥協的正義朴世路(朴敘俊飾)

【你不要決定我的價值,我的人生才剛要開始,我要做所有想做的事!】

經歷咗父親嘅離世、有前科等不合理事情後,決定從新出發,喺首爾鬧區梨泰院開咗間小酒館「甜夜」(DanBam),係朋友們並肩作戰下,展開對長家嘅反擊。

反社會人格天才生趙以瑞(金多美飾)

【愛和成功,我全都可以實現!】

IQ 162天才,更有多達75萬SNS粉絲,卻有著反社會人格。喺感到人生道路無趣嘅時候遇到同自己截然相反嘅世路,決定放棄入讀名牌大學,成為「甜夜」(DanBam)酒館嘅經理。

世路初戀情人吳秀娥(權娜拉飾)

【我珍惜自己、疼愛自己,難到那是錯嗎?】

喺世路敵對長家集團做計劃室室長,雖然比任何人都支持世路,但無法好似佢咁生活,內心感到相當痛苦。

權威主義者 張大熙(劉在明飾)

就憑我嘴說的… 我是權威的人。】

餐飲集團「長家」會長,因為部長兒子世路挑戰佢嘅權威,而要用自己權力去搶奪世路嘅一切。

依家已經播到第10集啦!想睇嘅話就快啲去 Netflix!逢星期五、六深夜 12 點同韓國同步更新,包你可以緊貼劇情!

發佈留言

發佈留言必須填寫的電子郵件地址不會公開。 必填欄位標示為 *