《港‧韓人》90後 CEO 이재욱 李宰旭

CEO

《港‧韓人》90後 CEO 이재욱 李宰旭

港‧韓人第3彈邀請咗韓國傳統酒網上平台Sooldamhwa嘅年青CEO Jaeook Lee做訪問。 曾經喺香港留學嘅佢, 用短短5個月嘅時間創立咗自己品牌, 一齊嚟睇下佢嘅創業之路啦!

 

HKKK原創影片系列 – 《港‧韓人》第3彈請韓藉90後CEO이재욱Jaeook Lee大談創業心得。

 

近年不斷興起美食平台, 足不出戶都可以品嘗到韓國美食, 但原來喺韓國, 傳統酒都有網上平台 !

 

Sooldamhwa係一個韓國傳統酒網上平台,  以創新嘅形式令唔同客人尋覓佢地人生嘅酒。好似訂閱報章咁, 佢地會每個月寄一個DamHwa 盒子俾客戶, 入面裝住嘅係每月唔同嘅酒。

 

Sool 指 「酒」, Damhwa담화 指「談話」。

 

Sooldamhwa 創立嘅原因主要有兩個 :

   第一, 係增進酒同人之間嘅交流。

佢地覺得, 由於韓國經過咗一段日佔時期, 韓國傳統酒慢慢被人忘卻, 但其實韓國傳統酒有2000種之多, 就咁被遺忘好可惜, 所以想藉呢個平台推廣韓國傳統酒, 令更多人認識, 欣賞。

第二, 係增進人同人之間嘅交流。

韓國美食 當然要配美酒。酒, 對韓國人嚟講, 可以話係不可或缺嘅一樣嘢。成立Sooldamhwa係想大家一邊飲酒一邊交談, 製造更多彼此之間嘅回憶。

 

Sooldamhwa 定期活動 :

Sooldamhwa為咗令大家對傳統酒有更深入嘅認識, 會定期舉辦試酒會、傳統酒派對同一日課程俾會員。除此之外, 更加會拍片介紹傳統酒嘅飲法, 介紹每個月Damhwa 盒子嘅酒。如果想了解更多關於韓國傳統酒嘅朋友, 不妨去佢地嘅IG : Sooldamhwa 睇下啦 !

 

 用新穎嘅方式包裝傳統酒, 令大眾一改對傳統既定嘅框架, 願意嘗試唔同嘅酒, 係今集主人公Sooldamhwa CEO Jaeook Lee創業理念。年紀輕輕已經創業, 而且得到好成績, 佢究竟對呢個傳統酒行業有咩抱負 ?

 

 想多啲了解呢位CEO Oppa ? 馬上去片啦 !

發佈留言

發佈留言必須填寫的電子郵件地址不會公開。 必填欄位標示為 *