一個人過聖誕又點會Lonely?!

一個人過聖誕又點會Lonely?!

又到聖誕啦, 一支公嘅你地係咪諗緊點過好呢? HKKKulture 為你安排好一個温暖嘅韓式聖誕!

10:00am: 起床瞓到自然醒, 出面凍冰冰, 唔願起身咁點好呀?
​韓國綜藝節目都有講啦: 被鋪外面係好危險!​​

索性係屋企過個懶洋洋嘅朝早。呢件”暖在心”恩物就啱晒 SPAO 近排出左件懶人必備嘅 HOODIE 特別之處在於佢夠暖同夠大件 包得住你個身之外, 仲可以裝得晒你啲零食等你唔洗行黎行去,可以坐定定咁食個  brunch。

睇吓件衫大到, 屈埋隻腳就變到張桌出嚟啦!

售賣網址 : SPAO

1 :00pm : 必「毒」韓劇最潮漫畫

平日就開劇睇, 聖誕不如轉吓睇漫畫啦! 小編想推介兩部韓國漫畫俾大家!

長居排行榜第一同第二嘅 女神降臨看臉時代 !
依家仲已經有中文版同英文版。

 每個人都有個不能說嘅秘密, 呢套漫畫嘅主角都唔例外, 究竟一個女神有咩不可告人嘅秘密呢… 

一個奇蹟發生係一個又醜又矮又肥嘅邊緣人身上, 令佢嘅生活有反天覆地嘅大改變!
兩部都係好貼地又搞笑嘅漫畫, 啱晒想輕輕鬆鬆過聖誕嘅大家!

中文版漫畫傳送門 :  webtoon


4:00pm : 聖誕節係一年入面最後一個節日, 除咗同朋友出去狂歡之外, 不如俾啲時間同自己心靈對話, 順便打吓卡, selfie吓!

江南三成洞 COEX MALL 的星光庭院圖書館最近換上聖誕裝飾, 等大家可以安靜咁享受下節日氣氛。

圖書樹砌咗好多不同嘅聖誕圖案
天花仲掛咗好多月亮同星星嘅掛飾

地址: 首爾市江南區永東大路513 COEX MALL中央廣場B1-1樓
開放時間 : 10 :30-22 :00

咁大個圖書館, 一入到去真係無從入手。
所以小編想推介一本書俾大家 : 

韓國著名作家 韓江 嘅作品 – 白書
每一篇都係以白色嘅事物為主題。
呢本充滿生命力同詩意嘅作品絕對係陪你渡過白色聖誕嘅不二之選 !


7 :00pm 獨食聖誕大餐

上面提供左咁多精神食糧俾大家, 係時間要啲真正飽肚嘅食糧啦 !
過聖誕點可以有蛋糕

以自家蛋糕出名嘅CU便利店 , 近排出左聖誕限定嘅熱食朱古力心太軟蛋糕同忌廉蜂蜜蛋糕爆漿溶岩蛋糕, 名符奇實係一人獨食嘅聖誕蛋糕呀!

只要切開軟心隨即流出,超級邪惡!

記住享用前建議將蛋糕放入微波爐加熱30秒,才會有流心溶岩效果!
呢個聖誕, 等暖笠笠嘅蛋糕溫暖你孤獨嘅心啦 !

睇完咁多推介, 係咪覺得 「就算一個人又有咩好怕喎 !」
小編祝各位聖誕快樂~

發佈留言

發佈留言必須填寫的電子郵件地址不會公開。 必填欄位標示為 *