2020韓國好去處:尋找一隻在海上之手!

Main page by Travel Gyeongsangbuk-do(Korea)

2020韓國好去處:尋找一隻在海上之手!

大家去韓國旅行嘅時候都會選擇去首爾釜山等地方,有冇諗過去其實南韓都仲有好多地方可以去玩架呢?喺新嘅一年,不妨考慮下HKKK今次要為大家介紹嘅浦項市虎尾岬啦!

大家去韓國旅行嘅時候,大部份都會選擇去首爾同釜山,應該要探索嘅都探索得差唔多啦,咁係新嘅一年入面,就等 HKKK 介紹韓國更多唔同嘅面貌同景點畀大家,今次就係第一站 – 浦項市虎尾岬

可能好多人會覺得浦項個名好熟悉,因為唔少綜藝節目都有係當地取景,例如宋智孝就拍住李棟旭一齊喺故鄉浦項拍攝《Running Man》,節目播出後,再次令呢個地方成為咗韓國旅遊地熱門之一。

Image by SBS, Running Man

由於韓國半島形狀似老虎,而虎尾岬則位於韓國半島最東端,像是老虎尾巴的位置,因而命名。當地亦係韓國最早日出嘅城市,每年新年(1月1日)都會係迎日廣場更會舉辦盛大嘅迎日節活動,因而成為韓國景點中最受歡迎嘅日出勝地之一。

但係HKKK 介紹得,當然仲有其他原因啦!虎尾岬放置咗一對相當巨大嘅手部造型雕塑,一隻擺咗係迎日廣場嘅中間,咁但係另一隻又去咗邊呢?

只要你向海嘅方向望過去,就會發現另一隻手其實就佇立咗係海平面之上。呢一對手名為「共生之手」,係1999年12月完成,寓意對未來充滿期望,有大家互相扶持,共同建立美好家園嘅意思。

Image by Ctrip

每當日出時分,太陽嘅光芒照射住手部雕塑嘅時候,都會形成一個魔幻嘅時刻,隨手影都可以好似一幅名畫一樣,吸引咗好多遊客專程去見證呢個壯觀嘅時刻。

HKKK小貼士:

此外,浦項都有好多韓國景點,例如以日式建築聞名嘅「九龍浦近代文化歷史街」;由孔孝真及姜河那主演韓劇《山茶花開時》中最常出現嘅街景等等都喺呢度取景架,嚟嘅時候記得周圍行下,話唔定會有驚喜架!

Image by Blog Tommytwkr

Image by KBS 동백꽃 필무렵

如果鍾意欣賞風景同攝影嘅你,虎尾岬絕對係一個唔錯嘅韓國旅遊選擇,新嘅一年,約埋朋友嚟一場難忘又特別嘅韓國之旅啦!

主辦機構網頁

http://homigot.invil.org/index.html?menuno=568322&lnb=40106

查詢聯絡:

+82-54-270-5855

地址:

慶尚北道浦項市南區虎尾岬面迎日路150街20

發佈留言

發佈留言必須填寫的電子郵件地址不會公開。 必填欄位標示為 *