2019 韓國潮流: 必學夏日情侶穿搭 超人氣韓式情侶穿搭法

大家都知道韓國情侶好鐘意放閃! 由頭到腳不論係色調定單品要襯到一絕。

點樣透過顏色同圖案配搭出低調而不失霸氣嘅情侶裝呢 ? 咁就要睇以下為大家介紹嘅4款2019韓國潮流 穿搭法啦 !

Image by. blackblossom

1. “ Idol 界中的最佳情侶穿搭代表!” 充滿復古氣息的可愛造型

要講到韓國最潮couple, 點少得泫雅同E’dawn呀!

佢哋曾經著住呢身打扮拍攝最新韓國潮流雜誌情侶海報, 成功留下一個最性感復古情侶嘅印象。

兩人雖然著住看似截然不同嘅衫, 但顏色同物料卻配合得好自然, 完整度好高, 完全無違和感。

2. “時尚氣息配搭是情侶們不二之選” 單色高尚現代城市氣場

連身裙配合同色西裝,突顯出現代城市一面。

深藍色被人一種高級嘅感覺, 將冰冷又感性嘅生活態度帶出嚟。

絕對係受上班族歡迎嘅情侶裝!

3. “ 過一個懶洋洋嘅夏天? “ 以米色打造悠閒夏日風!

一條米色連身裙加米色圖案T恤, 配出悠閒夏日風! 著上啡色調拖鞋, 簡直好想同另一半即刻去海邊渡假呀!

4. “民族風圖案搭出新潮流! “ 清新波希米亞風

唔想變得平凡 ! 呢對情侶以相似嘅民族風圖案連身裙同上衣, 著出波希米亞風, 充滿異國風情, 最啱去渡蜜月。加上太陽眼鏡、帽子同相似嘅髮色, 係咪更加襯呢 ?

以上為大家介紹咗4款2019韓國潮流韓式穿搭法, 大家mark底個重點未呢? 著住情侶裝過個又甜蜜又閃嘅夏天啦!

發佈留言

發佈留言必須填寫的電子郵件地址不會公開。 必填欄位標示為 *