首爾新奇展覽! 獨一無二的手工雨傘 夏季法式雨傘的浪漫

首爾有個 新奇展覽, 以美學角度重新定義洋傘, 一齊跟HKKK到首爾林蔭路嘅 PLATFORM-L Contemporary Art Center  參觀吓啦 !

Image by.Platform-L

今次展覽以 Summer Bloom 名命, 將夏天同綻放融合, 又比喻洋傘打開嘅形態好比花開綻放一樣咁優雅美麗。

Image by. designpress,이호승

展覽作品由法國製傘大師Michel Heurtault, 聯手韓國藝術家Kim Yongho及Kwon Jungmo打造出別具一格嘅洋傘作品。作品唔單止令你感受到洋傘嘅美學, 更加以創新及多樣化嘅技術, 娛樂觀賞者眼睛。

展覽中最珍貴嘅, 莫過於Michel Heurtault嘅私人珍藏: 一系列嘅復古風洋傘。擺放於入口附近, 真係十分吸晴!

Image by. 디자인정글  

<世界級製傘大師–Michel Heurtault>

Michel Heurtault除咗係享負盛名嘅世界級製傘大師外, 仲係雨傘收藏家同收復及生產雨傘嘅專家。8歲時嘅佢, 已經深深被傘嘅魅力所吸引。並且喺30年間, 收集咗約3000把雨傘作收藏品!

除此之外, 佢仲喺2013年獲得由法國文化部頒發嘅最佳工匠Maître d’ Art獎。呢次展覽, 就可以感受到佢對雨傘嘅熱愛啦!

Image by. designpress이호승 ,Platform_L

< 洋傘小知識 之 貴族身份象徵 >

展覽中展出18至20世紀初多款雨傘系列, 當中可以得知傘嘅歷史之外, 仲可以發現到有趣嘅故事。

現今世代隨處都可以買把雨傘。 但原來以前, 洋傘被定為社會象徵, 會被用作婚禮禮物, 更會被當為傳家之寶!

Image by. Platform-L

以前嘅歐洲, 洋傘只會出現於貴族婚禮場地; 而且亦都係法國女性出席眾會時, 用嚟衡量身份財富嘅工具。洋傘越獨特, 就代表擁有者越富有。之後, 由於東方文化傳至西方歐洲社會, 洋傘嘅設計亦都夾雜唔少東方色彩, 所以好多別出心裁嘅洋傘設計登場!

 

另推: 韓國藝術家同場展出風景作品

Image by.디자인정글, Platform-L

喺二樓同三樓, 同 Heurtault 法國復古系列一齊展出嘅仲有: 由 Kwon Jungmo創作嘅韓紙 (韓國傳統紙) 燈光作品、 Kim Yongho嘅作品 , 展示出四季嘅濟州。作品結合風景同聲音, 同法國復古雨傘系列和諧協調, 優美氣息滿佈整個空間。

當你觀賞展覽時, 想象吓大自然創造嘅陽光、雨、風等等, 係咪好似置身其境咁呢!

Video by. The ICONtv

PLATFORM-L Contemporary Art Center 喺每個星期四、五下午3點會有導賞團。

唔洗事先預約, 喺門口集合參加就得啦! 咁好嘅機會唔好錯過呀! 今個暑假穿越時空, 返番18至20世紀嘅歐洲, 去一趟復古夢幻洋傘之旅啦!

主辦機構網頁

https://www.platform-l.org/

日期

13.06.2019 – 19.09.2019

時間

星期二至星期日

11AM – 8PM (星期一休息)

查詢聯絡

購票方法及地點

電話: +82-2-6929-4470

網上購票

發佈留言

發佈留言必須填寫的電子郵件地址不會公開。 必填欄位標示為 *