飲系列.文青私藏藝術酒吧,獨飲一樣咁享受!

飲系列.文青私藏藝術酒吧,獨飲一樣咁享受!

首爾嘅酒吧多不勝數,但係想去返間有藝術感嘅酒吧你又知唔知係邊?就等 HKKK 帶大家探索呢間充滿神秘感嘅藝術酒吧啦!

要完整咁感受一個城市嘅生活,夜生活係必不可少!首爾嘅夜生活向來豐富多姿,唔知大家去首爾旅行嘅時候又有無到訪過呢?如果你怕一般酒吧環境太嘈,又或者只係想一日行程完結自己一個去自在咁歎返杯,咁今次 HKKK 介紹呢間充滿神秘感,成為眾多韓國文青口袋名單嘅 「Jean Frigo」或者會你。 

Jean Frigo 位於東大門小巷,紅磚外牆睇落無乜特別,就算你經過門口都未必知原來係酒吧黎。點解?因為你望入櫉窗好可能只會見到凍櫃同埋大量水果,似乎連坐嘅地方都無,呢個掩護令好多人都錯過呢個酒吧,咁究竟點樣先入到去? 

係舖頭靠牆嘅位置,你會發現一塊黑板,上面寫住「Here」連埋一個箭咀,似乎0指向凍櫃,咁咪撞牆囉?唔好懷疑,你無行錯,只要行過兩層門你就會到達酒店本體架啦! 

酒吧本體佔地兩層,裝修主打復古文青感,一樓除咗有傳統吧枱位之外,仲有一個假室外空 間,以玻璃打造,透過自然光嘅照射,添加溫馨感令人份外放鬆。 

沿住樓梯向上,可以睇到店主嘅小心思,以藝術照片裝飾空間,強調文青風格嘅同時,仲可以睇到酒吧嘅發展故事添! 

二樓位置係餐枱區,主打簡約工風,配合大量藝術品,一定啱曬文青心水。而成層最特別嘅設計係顧客坐低都只會面向牆壁,等你可以絕對安心享受「一人前」,點食點影都無有怕! 

酒吧二樓平時係無侍應嘅,如果要落單或者需要service嘅時候唔通要落樓?放心,貼心嘅佢哋係二樓安裝咗個复古味濃嘅電話,放入 100 韓圜再打 100 就會直接連通吧枱,有咩事打個電話就得,裝飾實用一舉兩得。 

酒吧嘅主題正正係水果,啱啱好解答點解佢哋會揀用水果舖作為本體嘅掩護所以呢度嘅食物同飲品都會見到有各式各樣嘅水果。話明酒吧,當然要小酌一杯啦,Jean Frigo就連原創調酒都圍繞著水果,例如一款叫「女兒傻瓜」(ddal-ba-bo) 就結合咗士多啤梨、香蕉加伏特加嘅調酒,水果嘅香甜配上伏特加嘅濃烈,口感特別。 而另一款調酒漢江奇跡(hangang-e-gijoek) 就用咗韓國燒酒配上檸檬汁、鳳梨汁、葡萄柚糖漿同特別調嘅碳酸水,飲落清爽、甘甜。鍾意水果調酒嘅朋友記得要試下啦! 

至於日間Jean Frigo同樣作為 Café 營運, 都有一啲水果特飲、 水果乾、水果拼盤、三文治意粉可以揀,而且都好受歡迎㗎 

呢間酒吧藝術感同神祕感都有,無論你係「一人前」定係「家庭遊」相信你,下次去首爾旅行記住唔好淨係去 Cafe 啦! 

Instagram  

https://www.instagram.com/jeanfrigo_official/ 

時間  

星期一至星期四: 

12PM-2AM   

星期五至星期六: 

12PM-3AM  

星期日休息) 

地點 

首爾特别市中區光熙洞2街 296 

(地東大門歷史文化公園站步行10分鐘) 

發佈留言

發佈留言必須填寫的電子郵件地址不會公開。 必填欄位標示為 *