韓式夏樂歌單(下): 盛夏夜空悠閒K-Pop歌 給你躲懶理由的韓式悠閒歌

不經不覺就到咗8月尾, 夏天差唔多已經去到尾聲啦, 係咪有啲唔捨得夏日嘅瘋狂呢 ? 聽吓啲柔情舒服嘅歌, 感受夏天嘅餘溫啦!

小編精心挑選咗5首超適合夏天聽嘅悠閒歌曲俾大家(連韓國Café都推薦嫁), 除咗有韓國偶像嘅歌之外, 未必咁多人知嘅歌手嘅歌都會介紹到,  粉絲們一齊捉緊炎夏嘅尾巴啦!

1.      Shaun – Way Back Home (2018)

지금 다시 way back home
現在 再次 way back home

去完Party, 喺時候放鬆吓自己啦 。

Image by Kpopmap

小編今次要介紹嘅唔係韓國偶像, 但粉絲都唔少嘅Shaun !

大家可能對呢位歌手唔係咁熟悉, 獨立樂團出身嘅Shaun依家已經係搖滾EDM巨子 ; 而Way Back Home 就係佢嘅成名作, 曾經登上多個音樂平台嘅第一。

雖然歌詞唔關夏天事, 但小編覺得佢意外地同夏天合襯。 歌曲節奏明快, 編曲帶有歐美風格, 感性嘅中高音聲線令人聽起上嚟好舒服。當你攤喺海邊閉上眼睛聽呢首歌,仲有海浪聲作背景聲, 將所有煩惱都拋之腦後, 享受仲夏一刻。

Video by. Shaun

2.       Heize – You, cloud, rain (2018)

비도 오고 그래서 네 생각이났어
因為下雨 我才想起..

Image by Kpop behind

夏天係一個經常落雨嘅季節, 落雨時留喺屋企無野做最好就係聽啲啱feel嘅歌啦。

心情隨著鋼琴聲平靜落嚟, Heize平穩而富有感情嘅聲線, 將歌唱入心坎, 走到記憶嘅深處; 雖然歌詞係講離別, 但並唔係太慢太陰沉嘅風格。斷斷續續底層嘅鼓聲營造出下雨天嘅氛圍, 十分適合望著窗外嘅雨點, 開大耳機音量嚟沉澱整理思緒。

Video by. Stone Music Entertainment

3.      Paul Kim – Wanna love you (2017)

Hold your hand let the world change

Image by. The Korea Herald

兩人限定嘅sunset party !

呢首係一首好舒服嘅情歌, 副歌重覆嘅歌詞 ‘I wanna love you baby’十分上腦。歌曲節奏平均, 速度適中, 令人忍唔住想跟著旋律輕輕咁搖擺, 輕鬆自己。最啱就係喺太陽落下嘅時候同另一半喺海邊吹著海風咁聽 !

Video by. Official Paul Kim

4.      IU – 無法入睡的雨夜 (2017)

비 오는 소리에 내 마음 젖었네
下雨的聲音浸濕了我的心

Image by. kpopasiachan

出道超過10年嘅實力派韓國偶像IU, 相信無粉絲唔識 啦。

今次要介紹嘅歌曲,唔講真係唔知, 原來係翻唱自被韓國人譽為國民歌曲, 金健模嘅無法入睡的雨夜。

經IU翻唱後, 將原本嘅重拍子hiphop快歌, 變至緩慢嘅抒情歌。柔柔嘅琴、鼓同結他聲更加突出IU清脆乾淨嘅聲音。中間部份保留原曲以Rap唱出嘅形式, 慢得嚟又有節奏感。最啱就係下雨天瞓唔著嘅時候聽 !

Video by. 1theK

5.     Yoona – Summer night (2019)

Summer night 긴 여름 해가 질 때면
Summer night 當漫長的夏天太陽落下時

Image by Allkpop

夜幕降臨, 係時候清空腦袋好好感受一下summer night !

允兒清澈嘅聲線融入柔柔嘅音樂當中, 彷彿慢步於渺無人煙嘅郊區, 無任何嘈雜嘅城市聲音, 獨自一人自由自在。呢首歌最啱喺黃昏嘅時候聽, 清新又適中嘅節奏, 少咗日頭嘅瘋狂, 卻未到夜闌人靜嘅深夜, 太陽餘溫帶到夜晚, 就係summer night嘅特色 !

Video by. SM Town

介紹咗5首夏天想放鬆一吓時聽嘅歌, 等韓國偶像、歌手們陪住一眾韓迷粉絲過個悠閒輕鬆嘅夏天啦 !

發佈留言

發佈留言必須填寫的電子郵件地址不會公開。 必填欄位標示為 *