藏身梨泰院嘅大發藝人餐廳

藏身梨泰院嘅大發藝人餐廳

推介兩間位於梨泰院並由韓國藝人經營嘅當紅餐廳

梨泰院可以話係首爾市入面異國餐廳最集中嘅地方,地位等同香港嘅蘭桂坊一樣,所以唔少藝人都睇中呢一點,選擇係度開餐廳做老闆!今日HKKK就揀咗兩間大發藝人經營嘅餐廳同大家分享,文末仲會教一啲簡單嘅韓文,等你去餐廳搵位點餐無難度!

1. 洪錫天 :My Chelsea

相信大家對洪錫天呢個名唔會陌生,因為喺韓劇、綜藝都會經常見到佢,就連近期嘅大熱劇《梨泰院Class》都有佢嘅身影。其實身為廚師嘅佢喺梨泰院打拼多年,佢嘅餐廳名都係以“My”為開頭,亦有被戲稱為《梨泰院Class》真人版。

My系列當中嘅代表 My Chelsea主打意式料理,雖然喺梨泰院都開咗一段時間,但依然人氣爆燈。店內外嘅裝潢都好有特色,用咗對比度高藍色同橙色做主色,令成間餐廳氛圍熱鬧又輕鬆,最特別嘅係咩?相信都係店門口同埋牆上居然都有洪錫天個人照,想唔知佢係老闆都唔得啦。

餐廳提供各式各樣嘅意式料理,深色薄餅皮配上新鮮芝士同爽口蘑菇嘅“Gorgonzola pizza”, 以及可以選擇蕃茄汁、奶油或者橄欖油嘅“海鮮意粉”都係好受歡迎嘅必點菜。另外,店員會一碟好香嘅蜜糖同Gorgonzola pizza連一齊上菜,點啲蜜糖一齊食,可以食出意想不到嘅味道,一定要試下!

時間:

12:00 pm ~ 02:00am

(年中無休)

地址:

首爾龍山區梨泰院路 27街 40

2. 柳演錫:Lua Lounge

有睇開韓劇嘅朋友都可能會知道大勢男星柳演錫,近期係各部韓劇都好活躍,好似喺啱啱開播嘅《機智醫生生活》、經典劇《請回答1994》都見到佢嘅身影。原來佢亦喺梨泰院開咗間餐廳,除咗係IG-able 人氣餐廳,好多明星都會成日幫襯添!

Lua Lounge 位於一棟大廈嘅頂樓Rooftop,店名意指「月亮」,所以由樓梯間到餐廳裝潢都圍繞住呢個主題。餐廳由柳演錫親自設計,採用咗天幕式設計,無論喺睇日落定夜景都咁靚,氛圍浪漫又溫馨。

餐廳同樣以意式料理為主, 而“Chicken Onion Steak”(치킨어니언스테이크) 同“明太子意粉”(명란파스타) 都係最熱門菜式,“Chicken Onion Steak”甚至上過綜藝節目《拜托了冰箱》, 味道特別之餘,配返杯香檳,簡直係最高享受呀!

Instagram

lualounge

時間:

週日—週四:06:00pm ~ 12:00am

週五—週六:06:00pm ~ 03:00am

地址:

首爾市龍山區雩祀壇路47, 6~7樓

如果食韓國菜食得多同悶,下次不妨去梨泰院試下西餐,可以品嚐美食之餘,仲可能隨時偶遇鍾意嘅藝人添架!

HKKK 小貼士:

去餐廳食嘢點都要學番兩句旁身嘅韓文,小編教大家一啲簡易用語啦!

我地()位 = 우리()명이예요. (wu-li-()-myung-yi-ye-yo)

(數字):

1

2

3

4

5

6

7

8

9

10

 

唔該想點餐 。= 주문해주세요. (zu-mun-he-ju-se-yo)

唔該埋單 。= 계산해주세요. (kea-san-he-ju-se-yo)

唔該畀杯水 。= 물 좀 주세요. ( Mul-jom-ju-se-yo)

發佈留言

發佈留言必須填寫的電子郵件地址不會公開。 必填欄位標示為 *