暖到入心!韓劇暖男歐巴陪你過9月!韓國偶像劇2019

暖到入心!韓劇暖男歐巴陪你過9月!韓國偶像劇2019

顏值爆燈嘅男主角,往往都係大家追韓劇嘅原因之一!等我哋為你揭曉,究竟有邊套韓國偶像劇你喺2019年一定要追!

「高顏值」、「眼球淨化」、「臉蛋天才」,呢啲形容詞用嚟形容2019年下半年嘅韓國偶像劇男主角最適合不過。係「顏值即正義」嘅時代,究竟有邊幾套劇係非睇不可?

今日我哋就同你介紹下啦!

☆ 正選 ☆

集演技與野性美一身 –池昌旭

首先介紹嘅當然係將要開播嘅《請融化我》。由上半年先退伍重歸劇壇嘅池昌旭參演,將會係月尾tvN全新週末劇場隆重開播!

Image by. TVN

2019年韓國偶像劇《請融化我》描述參與 「24小時冷凍人類項目」嘅一對男女馬東燦(池昌旭飾)同高美蘭(元真兒飾),因為神秘陰謀導致20年後先甦醒。為左生存,必須維持平均體溫,兩人係生活中逐漸產生愛意的浪漫愛情故事。

佢哋係劇入面嘅造型,更加係呢部劇入面其中一個吸引人嘅亮點,記得唔可以錯過啦!

除左《請融化我》,我哋精選左三套下半年極受歡迎嘅韓劇介紹俾大家,等我哋同你回顧下究竟有邊位大勢 idol 嘅劇係不容錯過架啦!

☆ 第一位侯補 ☆

Idol 中的idol,沒人超越的臉蛋天才—車銀優

韓國偶像中擁有第一美男嘅臉蛋天才車銀優,成功挑戰MBC水木劇—《新入史官丘海昤》。

Image by. Daumcdn

身穿韓國服嘅“花都朗"車銀優一登場,就已經令整套電視劇充滿粉紅氣泡,令人心動不已。

video by. The Swoon

內容講述朝鮮第一位女士官丘海昤(申世京飾)同母胎單身王子(車銀優飾) 之間嘅愛情故事。主角由唔擅長愛人到領悟到真愛,當中嘅過程好浪漫,充滿住戀愛氣息。

☆ 第二位侯補 ☆

擁有無可抵抗嘅深褐色眼晴—徐康俊

深邃嘅褐色眼晴加上白皙皮膚,散發出獨一無二魅力嘅演員徐康俊。

Image by. Maxresdefault

徐康俊連續參演《奶酪陷阱》、 《Entourage》、 《第三種魅力 》等多部叫好又叫座嘅韓劇,之後選擇左挑戰演出懸疑片《Watcher》!

video by. Upcoming Movie

劇集講述主角加入調查警察內部嘅舞弊搜查隊,全力揭露權力陰暗面。徐康俊以充滿魅力嘅領導才能,令整部劇嘅緊張感推到最高峰。
當然着住警察制服嘅徐康俊,絶對係魅力大發展!千祈唔好錯過呀!

☆ 第三位侯補 ☆

今晚的主人公是我!邕聖祐

以漫畫主人翁外貌俘虜無數少女心嘅韓國偶像前Wanna One成員邕聖祐,首度以演員身份回歸同粉絲見面!

Image by. JTBC

岩岩播完嘅JTBC火月劇《18歲的瞬間》 淨係睇個劇名都已經好有青春嘅感覺!邕聖祐喺呢部描繪18歲青年們青春閃亮嘅故事中飾演崔俊宇,一個習慣孤獨卻比任何人都堅強嘅少年。作為一個新進演員,雖然演技尚需琢磨,但係自然流露出可愛又呆萌嘅反轉魅力, 令佢備受韓國人民嘅愛護。

Video by. JTBC

劇集嘅女主角係通過《與神同行》 為大眾所認識嘅童星演員金香起,事隔四年,18歲嘅佢會有咩表現?變身崔俊宇嘅韓國偶像邕聖祐又會係點?粉絲就唔好錯過《18歲的瞬間》啦!

睇左咁多套劇嘅介紹,唔知邊一套會係你嘅心水呢?

發佈留言

發佈留言必須填寫的電子郵件地址不會公開。 必填欄位標示為 *