新世代共享公寓 – 樹屋Tree House

新世代共享公寓 – 樹屋Tree House

新型共享公寓,首爾江南出沒,為年輕人打造全新豪華舒適嘅租屋體驗

好多後生仔喺外地做嘢、讀書都會為住屋而煩惱,價錢、地段、周遭環境、可唔可以養寵物等等等等都會成為租住時考慮嘅因素。最近喺首爾江南區出現咗一棟以後生仔作為目標群體嘅時尚共享公寓,由房間嘅布置到居住環境都一改大家對租屋嘅概念,為你係韓國短途嘅「家」帶嚟新驚喜。

呢棟公寓叫「樹屋」(Tree house),顧名思義因爲建築外觀似樹而命名,更係韓國第一棟以後生仔為目標群體嘅共享公寓。整棟樹屋一共有72間房,仲設有工作空間、廚房、洗衣室等公共空間畀住客使用,而中庭更裝飾成一個室內花園,開放式設計擺放咗好多綠色植栽,坐低休息一下,同朋友傾下計,感覺就係自己置身喺超豪華住宅咁呀!

居住區分佈喺3到8層,考慮到居住者嘅生活方式,每一層都針對唔同類型嘅租客作出規劃,例如3樓住客都係女性,7樓嘅都係極簡設計等等。除咗房間內部,就連門鎖設計都非常特別,密碼鎖位居然喺門柄上,真係估佢唔到呀!

樹屋更歡迎帶埋寵物一齊入住,好似3樓適合狗主們居住、5樓就專門設計畀貓奴們,仲貼心咁準備咗寵物沐浴區,畀主人喺社交生活中亦不失照顧寵物嘅社區。

除此之外,樹屋嘅住客嚟自各行各業,喺空餘時間會聯同其他公寓嘅住客一齊舉辦Workshop,將自己嘅專業分享畀其他人,好似瑜珈、Coffee Tour、啤酒試飲會、歷史分享會等,從而拉近人與人之間距離,達到共享生活嘅目的。

係咪覺得好正呢?反正小編已經畀佢深深咁吸引住!唔知香港又會唔引入類似嘅租屋概念呢?最後附上一段樹屋嘅訪問片段,想了解多啲不妨click入去睇下啦!

Instagram

commontown_kr

主辦機構網頁

https://www.commontown.co/house-page/treehouse

地點

 

 

33 Dogok-ro 23-gil, Gangnam-gu, Seoul

發佈留言

發佈留言必須填寫的電子郵件地址不會公開。 必填欄位標示為 *