單身必看!韓國插畫家畫出「一個人的浪漫」

單身必看!韓國插畫家畫出「一個人的浪漫」

三個單身浪漫秘訣

邊個話一個人就唔可以享受浪漫?一齊嚟睇睇韓國熱爆插畫家 Aeppol 同 Mr.donothing 畫出嘅「一個人的浪漫」!

戀愛季節係浪漫嘅,但係邊個話一個人就唔可以享受浪漫?一齊嚟睇睇兩位韓國熱爆插畫家 Aeppol 同 Mr.donothing 畫出嘅「一個人的浪漫」,領悟佢哋嘅慢活同埋自得其樂嘅生活方式,開啟一段治癒又浪漫嘅旅程啦!

1. 慢活,一字記之日:「懶」

講到懶嘅代表人物,當然係要介紹連個名都充滿懶洋洋息,耍廢界偶像人物 Mr. donothing 啦!呢位什麼都不做先生,係由韓國設計師曹熙載創作,最想傳達嘅唔係要叫人懶惰,而係要追 求 work-life balance 嘅生活,學識慢活!一個人過節,形單影雙?一於跟佢偷個懶,慢活享受下就啱啦!

戀愛季節期間周圍都咁多人,一於唔出街同人迫,自己一個喺屋企食飯,經濟又舒服。 (設計對白)

你有情人約好叻咩?我就唔得閒出街啦,我約咗同我張床一齊 hea 呀!(設計對白)

2. 興趣培養,一字記之日:「忙」

韓國超紅插畫家 Aeppol 筆下大部份作品入面都只有一個女仔,千祈唔好以為得一個人就會好孤獨,畫入面根本唔存在呢回事!唔信?一齊嚟睇下 Aeppol 嘅「一個人的浪漫」啦!

Aeppol 以夢幻嘅畫風,繽粉嘅色彩話你知:「我一個人都可以活得好好!」單身嘅時候少不免會有好多獨處嘅時間,呢個時候可以培養下興趣,重拾自己嘅生活。好似 Aeppol 畫中嘅女主角一樣,研究唔同款式嘅料理,喺情人節為自己同埋家人煮返餐;睇下書,增值自己,學涉獵唔同範圍,係知識嘅海洋暢遊。

3. 親親自然,一字記之日:「融」

就算無人約無街去,都唔一定屈喺屋企嘅。趁住好天氣,同畫入面嘅女主角一樣融入大自然。無論係行山,看海甚至露營,畀自己係忙碌嘅生活當中適當咁抽離一下,發掘你未見過嘅美景,真係咩煩惱都即刻無晒。

睇完兩位插畫家嘅「一個人的浪漫」,相信你都感受到當中滿滿嘅正能量。其實只要自得其樂,過好每一日,成為更好嘅人,又駛乜在意係咪單身呢?無論你單身定拍拖與否,HKKK 都祝你節日快樂!

發佈留言

發佈留言必須填寫的電子郵件地址不會公開。 必填欄位標示為 *