《炸雞特攻隊》國民級韓國美食炸雞登上大熒幕

poster new

《炸雞特攻隊》國民級韓國美食炸雞登上大熒幕

小編今次唔係要講韓國美食推介, 而係韓國近期最最最熱門嘅電影《炸雞特攻隊》。

講到炸雞, 大家會諗起咩 ?
國民級韓國美食、炸雞配啤酒定炸雞味薯片 ?
小編今次唔係要講韓國美食推介, 而係韓國近期最最最熱門嘅電影《炸雞特攻隊》。

一睇個名就知, 呢套戲係關於警匪之間嘅故事。故事講到五位警員為咗緝拿毒販, 不惜買咗毒販窩藏地點附近嘅炸雞店, 以便監視毒販, 點知炸雞店嘅生意越來越好, 仲成為左去韓國旅行必去嘅美食店。究竟佢地最終會轉行賣炸雞定成功緝拿毒販呢 ? 結果就唔講啦, 大家親自去睇啦 !

image by newsis and naver post

呢套戲嘅票房已經超過咗《與神同行》, 有咩成功因素, 可以令呢套戲深受韓國大眾歡迎 ? 小編總結咗兩個重點出嚟 :

1. 炸雞特攻隊 : 貼地而平民化劇情
整個故事, 圍繞住炸雞。炸雞之所以成為國民級韓國美食, 2002年韓日世界盃嘅一段廣告係一個好關鍵嘅因素。當時炸雞店吹棒邊睇足球, 邊食炸雞啤酒係最佳嘅配搭, 所以由果時開始, 韓國人對炸雞嘅熱愛就有增無減。聚餐、郊遊、睇戲各個場合, 都會見到炸雞嘅出現。所以運用炸雞嚟做電影主軸, 係完全能夠引起韓國人嘅共鳴。

Image by naver post

2. 炸雞特攻隊 : 計算精準的笑位
拍一套好嘅喜劇一直都唔係易事, 要計算好所有笑位, 而且演員之間嘅配合都好重要。每個角色鮮明嘅描寫唔洗多講 , 笑位出現嘅次數, 間距, 亦都恰到好處 ; 而且亦都唔會太重覆, 所以戲院入面嘅笑聲此起彼落, 觀眾亦都打從心底地笑出嚟。

image by newsis

講咗咁耐, 係咪好想即刻睇呢。快啲買埋國民級韓國美食炸雞,一邊咀嚼炸雞嘅滋味,一邊欣賞電影啦 !

發佈留言

發佈留言必須填寫的電子郵件地址不會公開。 必填欄位標示為 *