《港‧韓人》韓國文化院活動統籌 강혜민 姜惠敏

ms kang

《港‧韓人》韓國文化院活動統籌 강혜민 姜惠敏

《港‧韓人》第4彈請到駐香港韓國文化院活動統籌 강혜민 姜惠敏大談在港從事文化藝術嘅心路歷程。

HKKK原創影片系列 – 《港‧韓人》第4彈請到駐香港韓國文化院活動統籌 강혜민 姜惠敏大談在港從事文化藝術嘅心路歷程。

喺香港, 從事文化藝術事業呢條路從來都唔係易事。唔單止行業發展規模唔大, 亦都困難重重。有咩促使到Angela由韓國來香港做呢行 ? 去片啦 !

睇完片之後, 相信對Angela都有一定嘅認識。如果想知多啲佢嘅日常生活或者諗法, 就要睇埋落去啦 !

1.來香港的原因: 特別的緣份
Angela 喺韓國讀大學嘅時候, 認識咗一位去韓國交流, 同佢好投契嘅香港學生Crystal。就算交流期完結, 佢地都深信佢地嘅緣份唔會就咁斷絕, 認為將來會喺香港呢個地方重遇。過咗無幾耐, Angela就收到文化院嘅工作邀請嚟香港工作, 就係咁樣佢地就喺香港重遇啦。

2. 最鐘意嘅廣東話 : 唔該晒 !
Angela話佢廣東話只係「你好」嘅程度。但佢最鐘意嘅廣東話係「唔該晒」 。佢喺高中嘅時候有讀過德文, 佢覺得「唔該晒」呢個詞語, 剔除咗個「晒」字嘅話, 就會同德文 Bitte (意解 : 唔該) 差唔多。佢好鐘意呢個字嘅感覺, 所以佢最鐘意嘅廣東話係「唔該晒」 !

Angela 的飲食觀念 : 源自佛教的正念進食
正念進食(Mindful Eating) 係指百份百專注進食過程。食飯嘅時候除咗要慢慢咀嚼食物, 仲要以感激嘅心情去欣賞食物。Angela身處香港, 覺得香港人嘅步伐太快, 生活節奏太急。所以佢十分推薦呢個進食方式俾大家, 希望就算身處喺香港呢個大城市, 都可以有放鬆嘅一刻。

韓國人推薦嘅香港好去處 : 大埔 Green Hub
Angela得閒嘅時候唔單止會去睇下表演, 仲會周圍發掘一啲香港有趣嘅地方。而佢想推薦俾大家嘅呢個地方, 就係位於大埔嘅Green Hub。呢個地方賣嘅食物都係純天然, 無加任何人工成份, 親自種稙嘅蔬果, 身為健康主義者嘅Angela 就成為呢到嘅常客。

5. 與別不同嘅路
一般韓國人都會拼命讀書, 入一間好大學, 出嚟社會去一間大企業到就職, 但Angela 偏偏就唔想行一條同其他人一樣嘅路, 佢嘅夢想係成為駐香港韓國文化院院長。由開院以嚟嘅活動全部都係佢負責, 佢就好似睇住文化院成長咁。Angela要嘅唔係要高薪厚職,佢知道呢條路係好難行, 而且亦都好孤獨, 但為咗呢個夢想, 再辛苦佢都會捱落去 !

如果想看我們足本版的訪問內容, 請留意我們的 Youtube / IG / FB!

發佈留言

發佈留言必須填寫的電子郵件地址不會公開。 必填欄位標示為 *