《港‧韓人》居港韓國youtuber 김호진 金鎬珍

HKKK 原創影片系列 – 《港‧韓人》第5集請嚟科技策略顧問兼youtuber嘅 김호진 金鎬珍, 分享佢喺香港嘅趣事。

香港嘅生活十分繁忙, 日日朝9晚5已經消磨唔少精神, 但隻身由韓國搬嚟香港嘅Hojin, 除咗有全職之外, 平時仲身兼youtuber 拍片記錄自己喺香港嘅生活。想了解更多佢嘅生活, 去片啦!

睇埋落去了解更多Hojin嘅生活啦!

1. 成為Youtuber拍片的原因
睇咗片都知道有時候Hojin會拍片記錄喺香港嘅生活。其實佢係嚟到香港先有開始拍片嘅諗法。

第一個原因係因為佢想透過影片去接觸更多人, 由其係一啲背景同佢相似, 都係一樣身處異地或者嚟香港發展嘅人, 想將自己日常生活中一啲正能量帶俾佢哋, 互相支持同鼓勵。

第二個原因係比起文字上嘅對話,佢認為影片可以更加真實咁講到自己嘅近況俾家人朋友知, 所以佢就開始咗拍vlog啦!

2. 香港人原來識3種語言?!
當我哋問到Hoyin 初初嚟到香港果時嘅感受, 她果時好驚訝香港人原來普遍都識3種語言。

佢喺韓國經常都被其他人稱讚, 因為身為一個韓國人可以講到流利嘅英文係好厲害嘅事; 何況佢嘅英文達到商業用嘅級數,就更加令人羨慕。

不過嚟到香港之後, 佢發現原來大部份香港人都識廣東語、普通話同英文, 就覺得自己識2種語言都唔係好特別, 覺得自己好不足, 仲有好多學習嘅空間。

3. 愛上香港街市
Hojin 好鐘意試新野, 煮唔同嘅菜式, 佢仲話煮野食有治癒嘅作用, 令佢忘記平日嘅煩惱。

初初嚟到香港嘅時候, 當然係去超級市場買餸, 因為果到有晒英文指示, 唔怕睇唔明中文; 但當有朋友帶佢去街市後, 就愛上咗香港嘅街市啦。

佢話街市比起超級市場, 實在係平太多, 而且品質亦都相對好同新鮮; 無奈街市無指示,有時會溝通唔到,所以佢通常會同香港朋友一齊去, 但亦無減少Hojin對街市嘅熱愛!

發佈留言

發佈留言必須填寫的電子郵件地址不會公開。 必填欄位標示為 *